下面講嘅係你已有目的性去做一件T-shirt或者團體衫嘅設計思考過程。一個設計,其實最重要係思維,畫得靚都係其次!

1 Thinking 思考
你如果唸都唔唸下就想有設計出咗嚟,其實係無可能嘅!
- Purpose 目的
通常做班衫,團體服裝或者活動Tee,都一定係有個場景(scene),即係會係某個場合著嘅。你能夠越清楚瞭解你為乜要著呢件衫,整件事就更易視覺化(visualize)了。
- Message 資訊
每個設計其實都係承載緊一啲資訊。你嘅case會係乜?除咗你嘅學校,班級,團體呢啲基本,仲有乜野係想表達嘅呢?例如:團結?智慧?友誼?等等……。唔好睇輕呢啲重點字眼,有咗佢,揾參考會易好多。
- Brainstorming 頭腦風暴
有咗上面兩樣,而家你可以好自由咁唸下有乜野係同上面兩項重點係有關係嘅。呢個步驟係要全開放嘅,你唸到乜,寫低佢。

2 Conversion 轉化
有咗上面啲基礎,我地就要組織一下。呢個步驟其實係要將諗到嘅喺未畫前具像化成為腦海中影像。
- Concept 概念
首先有表達嘅內容同方向,我地可以細節啲咁去唸下個圖其實係想用乜野去表達。
例子:你一Group人好想表達力量:你可以用動物,電力,武器等等。這些影像化都要和你原來想表達嘅相關。
- Elements了元素
其中可能涉及到有不同的題材,我地可以去揾下有啲乜野嘅圖形,背景,字體,icon之類。
之後我將會同大家準備一下其他搵素材嘅link.
- Style 形式
美術手法有好多種,你就要睇下有啲乜係同你個主題配合嘅。例如:你係天文小組嘅,咁科幻一啲,或者一啲星圖類嘅style就會配合多啲嘞。

3 Illustration 插圖
係時候動筆了 。
- Layout 佈局
你用乜衫,有乜位置你可以印,都等於佈局嘅限制。應先諗下資訊係呈現係一個圖定係不同位置。
- Focus 焦點
整個設計會唔會有啲地方係重點,要明顯突出?
- Color顏色
選色系,色組,很多時候,使用正確嘅色更能有效咁講故事。
- Elements Application 元素應用
很多時, 實在的做法,其實係要將不同元素放埋一齐。所以美術功底都係重要嘅。
其實沒有實操訓練嘅人,要做哂1,2,3係非常困難。但Thinking,呢部份就走唔甩嘞。如果你意識夠清楚,剩返就係你要揾一個識得將呢啲思維組合一下嘅腦袋,同一對會將概念畫出圖案嘅手。2同3,你揾啱人就得。
歡迎你留言,Email, WhatsApp或打電話比我交流討論。
Comments